Pulse គឺជាកម្មវិធីទូរស័ព្ទបែបឌីជីថលដែលនាំមកជូនលោកអ្នកដោយក្រុមហ៊ុនព្រូដិនសល។ កម្មវិធីនេះនឹងអាចឲ្យអតិថិជនទាំងអស់តាមដានព័ត៌មានបណ្ណសន្យារ៉ាប់រងបានយ៉ាងងាយស្រួល។ លើសពីនេះផងដែរ កម្មវិធីនេះក៏មានអត្ថប្រយោជន៍យ៉ាងច្រើនទៅដល់អ្នកដែលមានបំណងចង់បានរាងកាយមាំមួន និងសុខភាពល្អផងដែរ។

ដើម្បីធ្វើការចុះឈ្មោះ សូមអនុវត្តទៅតាមរូបភាពខាងក្រោម៖

ក្នុងករណីនេះ ប្រសិនបើលោកអ្នកប្រើប្រាស់ទូរស័ព្ទដែលដំណើរការដោយប្រព័ន្ធ Android ហើយលោកអ្នកស្វែងរកកម្មវិធីមិនឃើញនោះ វាអាចមានបញ្ហាពីរដែលអាចកើតឡើង៖

សូមធ្វើការផ្លាស់ប្ដូរតាមជំហ៊ានខាងក្រោម៖

កម្មវិធី Pulse ក៏មានភាសាខ្មែរនៅក្នុងនោះដែរ។

សូមធ្វើតាមការណែនាំខាងក្រោម ដើម្បីភ្ជាប់បណ្ណសន្យារ៉ាប់រងព្រូដិនសលរបស់អ្នកទៅក្នុងកម្មវិធី Pulse៖

ប្រសិនបើលោកអ្នកមានបញ្ហាផ្សេងៗដទៃ សូមធ្វើការទំនាក់ទំនងមកកាន់យើងខ្ញុំតាមរយៈ ទំព័រ Facebook Prudential Cambodia ឬ​ ទំនាក់ទំនងមកកាន់លេខទូរស័ព្ទឥតគិតថ្លៃ 1800-212223.

1. ការការពារពី Pulse (“អត្ថប្រយោជន៍”) គឺជាអត្ថប្រយោជន៍ឥតគិតថ្លៃដល់អ្នកចុះឈ្មោះដែលមានសញ្ជាតិខ្មែរ និងមានអាយុចាប់ពី 18 ឆ្នាំឡើងទៅ ។
2. នៅក្នុងឯកសារស្តីពីខ និងលក្ខខណ្ឌនេះ ពាក្យថា “អ្នក” ឬ “របស់អ្នក” សំដៅដល់ម្ចាស់បណ្ណសន្យារ៉ាប់ រង។ ពាក្យថា “យើងខ្ញុំ” “របស់យើងខ្ញុំ” “ក្រុមហ៊ុនព្រូដិនសលកម្ពុជា” ឬ “ក្រុមហ៊ុន” សំដៅដល់ក្រុមហ៊ុន ព្រូដិនសល (ខេមបូឌា) ឡាយហ្វ៍ អឹសួរ៉ិនស៍ ម.ក ។
3. បន្ទាប់ពីទាញយកកម្មវិធីទូរស័ព្ទដៃ “Pulse by Prudential (Cambodia)” អ្នកអាចមានសិទ្ធិក្នុង ការទទួលបានអត្ថប្រយោជន៍នេះ ប្រសិនបើអ្នកចុះឈ្មោះដើម្បីទទួលបានអត្ថប្រយោជន៍ឥតគិតថ្លៃនេះ ។
4. “កាលបរិច្ឆេទចុះឈ្មោះ” សំដៅដល់កាលបរិច្ឆេទដែលអ្នកបានចុះឈ្មោះក្នុងការទទួលបានអត្ថប្រយោជន៍មួយនេះបានជោគជ័យតាមរយៈកម្មវិធីទូរស័ព្ទដៃ “Pulse by Prudential (Cambodia)”។
5. “រយៈពេលនៃការការពារ” សំដៅដល់រយៈពេលនៃការការពារដូចដែលបានកំណត់ និងបង្ហាញនៅក្នុងការបញ្ជាក់ បន្ទាប់ពីការចុះឈ្មោះបានជោគជ័យ។
6. “អ្នកត្រូវបានការពារ” សំដៅដល់អ្នកដែលបានក្លាយជាអ្នកប្រើប្រាស់កម្មវិធី Pulse បានចុះឈ្មោះក្នុងការទទួលបានអត្ថប្រយោជន៍មួយនេះបានជោគជ័យ និង មានសិទ្ធិក្នុងការទទួលបានអត្ថប្រយោជន៍នេះ ដូចដែលបានកំណត់ និងបង្ហាញនៅក្នុងការបញ្ជាក់ បន្ទាប់ពីការចុះឈ្មោះបានជោគជ័យ។
7. អត្ថប្រយោជន៍នេះនឹងត្រូវបានទូទាត់ជូនតែម្តងប៉ុណ្ណោះសម្រាប់អ្នកចុះឈ្មោះម្នាក់។ ប្រសិនបើ អ្នកត្រូវបានការពារ បានចុះឈ្មោះលើសពីមួយដង នោះរយៈពេលនៃការការពារនឹងត្រូវកំណត់យកកាលបរិច្ឆេទចុះឈ្មោះលើកដំបូងបំផុត។
8. អ្នកត្រូវបានការពារ ត្រូវតែមានកម្មវិធី “Pulse by Prudential (Cambodia)” ជានិច្ចក្នុងរយៈពេលនៃការការពារ។
9. ករណីមរណភាពស្របតាមលក្ខខណ្ឌ ដែលកើតមានក្នុងរយៈពេលនៃការការពារ ក្រុមហ៊ុននឹងធ្វើសំណងអត្ថប្រយោជន៍មរណភាពចំនួន $1,000 ។
10. ក្រុមហ៊ុនមានកាតព្វកិច្ចទូទាត់ប្រាក់អត្ថប្រយោជន៍នេះ ទៅឲ្យបុគ្គលណាដែលមានសិទ្ធិទទួលបានអត្ថប្រយោជន៍ស្របតាមខ និងលក្ខខណ្ឌនេះ លុះត្រាណាតែក្រុមហ៊ុនទទួលបានភស្តុតាងដែលចាំបាច់ និងអាចទុកចិត្ត បានសម្រាប់ការដោះស្រាយសំណង។ ឯកសារខាងក្រោមនេះ ចាំបាច់ត្រូវមានសម្រាប់ការវាយតម្លៃទៅលើការទាមទារសំណង៖
1. ទម្រង់បែបបទមួយដែលបានបំពេញចប់សព្វគ្រប់ ស្របតាមបទដ្ឋានរបស់ក្រុមហ៊ុនស្តីពីការស្នើសុំការទូទាត់ប្រាក់អត្ថប្រយោជន៍ និង
2. ភស្តុតាងផ្សេងៗដែលចាំបាច់ដើម្បីបញ្ជាក់អំពីសិទ្ធិរបស់អ្នកទាមទារសំណង ក្នុងការទទួលបានអត្ថប្រយោជន៍ និង
3. រាល់ឯកសារពាក់ព័ន្ធទាំងអស់ ដូចជា សំបុត្រមរណភាព ភស្តុតាងបញ្ជាក់ពីគ្រោះថ្នាក់ និងលិខិតបញ្ជាក់ផ្សេងទៀតដែលចេញដោយអាជ្ញាធរមានសមត្ថកិច្ច ដោយចំណាយទាំងនេះជាបន្ទុករបស់អ្នកទាមទារសំណង និង
4. ហេតុការណ៍ និង/ឬឯកសារណាមួយផ្សេងទៀត ដែលក្រុមហ៊ុនយល់ថាមានសារៈសំខាន់ចំពោះការវាយតម្លៃលើការទាមទារសំណង ដោយចំណាយជាបន្ទុករបស់អ្នកទាមទារសំណង។
11. ករណីលើកលែងមិនទទួលបានសំណង៖ ក្រុមហ៊ុនរក្សាសិទ្ធិក្នុងការបដិសេធ ចំពោះការទាមទារសំណងលើការទទួលមរណភាព ប្រសិនបើការទទួលមរណភាព របស់អ្នកត្រូវបានការពារនោះ បណ្តាលមកពីមូលហេតុណាមួយដូចមានរៀបរាប់ខាងក្រោម ទោះបីជាដោយផ្ទាល់ ឬប្រយោលក្តី៖
1. ការធ្វើអត្តឃាត ឬការប៉ុនប៉ងធ្វើអត្តឃាត ឬធ្វើឲ្យរបួសខ្លួនឯង ទោះបីជាស្ថិតក្នុងស្ថានភាពផ្លូវចិត្តប្រក្រតី ឬមិនប្រក្រតីក៏ដោយ
2. មេរោគអេដស៍ និង/ឬ ជំងឺណាមួយដែលជាប់ទាក់ទងនឹងមេរោគអេដស៍ រួមទាំង ជំងឺអេដស៍ និង/ឬការផ្លាស់ប្តូរ ការវិវត្តន៍ ឬការប្រែប្រួលនៃមេរោគអេដស៍ និង/ឬ ជំងឺដែលជាប់ទាក់ទងនឹងមេរោគអេដស៍ រួមទាំងជំងឺអេដស៍ ឬ
3. ការប្រព្រឹត្ត ឬការប៉ុនប៉ងប្រព្រឹត្តនូវបទល្មើសព្រហ្មទណ្ឌ ដោយអ្នកត្រូវបានការពារ ឬអ្នកទទួលផលម្នាក់ ឬច្រើន ឬ
4. ការប្រើគ្រឿងញៀន ឬថ្នាំសប្បាយ ការសេពគ្រឿងស្រវឹងហួសកម្រិត ឬបើកបរយានជំនិះក្រោមឥទ្ធិពលនៃគ្រឿងស្រវឹង ដូចមានចែងនៅក្នុងច្បាប់ និង បទប្បញ្ញត្តិជាធរមាន។
12. អ្នកត្រូវបានការពារ ត្រូវតែផ្លាស់ប្តូរអ្នកទទួលផល បន្ទាប់ពីបានចុះឈ្មោះទទួលបានអត្ថប្រយោជន៍មួយនេះដោយជោគជ័យ។ ប្រសិនបើអ្នកទទួលផលប្រយោជន៍មិនត្រូវបានផ្លាស់ប្តូរទេ នោះការទូទាត់អត្ថប្រយោជន៍នេះ នឹងត្រូវធ្វើឡើងដោយយោងតាមលំដាប់ដូចមានកំណត់ខាងក្រោម៖
1. ៥០% នៃអត្ថប្រយោជន៍នឹងត្រូវបានផ្តល់ជូនទៅសហព័ទ្ធស្របច្បាប់
2. ៥០% នៃអត្ថប្រយោជន៍នឹងត្រូវបានផ្តល់ជូនទៅកាន់លំដាប់ភាគីដូចខាងក្រោម
1. សហព័ទ្ធស្របច្បាប់ និងកូន(ៗ) ស្មើៗគ្នា
2. សហព័ទ្ធស្របច្បាប់ និងឪពុក-ម្តាយ ស្មើៗគ្នា
3. សហព័ទ្ធស្របច្បាប់ និងបងប្អូន ស្មើៗគ្នា
4. អ្នកដែលត្រូវបានសន្មតថាជាសន្តតិជនស្របច្បាប់របស់អ្នកត្រូវបានការពារ តាមសេចក្តីសម្រេចរបស់តុលាការ
13. ក្រុមហ៊ុនរក្សាសិទ្ធិក្នុងការកែប្រែ ខ និង លក្ខខណ្ឌនៃអត្ថប្រយោជន៍ផ្តល់ជូននេះ ដោយពុំចាំបាច់ជូនដំណឹងជាមុន។ ករណីមានវិវាទណាមួយទាក់ទងទៅនឹងការការពារដោយឥតគិតថ្លៃពី Pulse នេះ ក្រុមហ៊ុននឹងមានសិទ្ធិនៅក្នុងការសម្រេចចិត្តចុងក្រោយ។
14. ការការពារដោយឥតគិតថ្លៃនេះ គឺជាការផ្តល់ជូនក្នុងគោលបំណងផ្សព្វផ្សាយ ដើម្បីបង្កើនការយល់ដឹងជា សាធារណៈអំពីគុណប្រយោជន៍របស់កម្មវិធី Pulse។ ទោះបីជាការប្រើប្រាស់ពាក្យនៅក្នុងកម្មវិធី Pulse មានលក្ខណៈបែបណាក៏ដោយ ការផ្តល់ជូននេះមិនមែនជាផលិតផលធានារ៉ាប់រង ឬ បណ្ណសន្យារ៉ាប់រងឡើយ។